Чулман

БЕЛГЕЧ КИҢӘШЕ: акча тоту Хезмәт хакын түбәндәге әйберләргә артык күп сарыф итмәскә киңәш ителә. 1⃣ Модалы кием. Сер түгел: шкафтагы киемнең күбесе ел дәвамында бер тапкыр да киелми. Шуңа да билгеле бер киенү стиле булдырып, яңа киемне шуңа нигезләнеп алу әйбәт. 2⃣ Косметика. Өйдә берничә төрле лосьон яки сабын тотуның файдасы юк. 3⃣ Телефон моделен гел яңартып тору.  Телефоныгыз эшләсә, яңасына кызыгырга кирәкми. 4⃣ Савыт-саба. Коймакны нинди табада пешерүеңә карап, аның тәме үзгәрми. 5⃣ Бизәнү әйберләре. Арзанлы алка, йөзек, беләзек беркемне дә бизәми.

Һөнәри осталык бәйгесе дәвам итә 🛞 “Түбән Кама шин” җәмгыятенең покрышка җыючы яшьләре арасында узган бәйгедә 12 кеше катнашты. Сезне конкурсантларның берсе белән таныштырабыз: Николай Васильев. 🤝 Николайның бәйгедә беренче катнашуы түгел. Узган елгысында икенче урын яулаганнар. Нигә күплек санда? Чөнки конкурсантлар бәйге биремен ике кеше башкара. Аның кулдашы – Данил Малков. Николай Васильев: – Данил белән бергә эшлибез. Шуңа да бер-беребезне күз карашыннан ук аңлыйбыз. Бәйгедә безнең вазыйфалар бүленде. Данилгә биремнең катлаулырак өлеше туры килде: покрышка җыю. Җиңү бервакытта да җиңел бирелми, аеруча көндәшләр көчле булса. Бирегә исә үз хезмәтенең чын осталары җыелды. Кул ияләшкән, күз күнеккән булса да, үзең дә көтмәгән хата китәргә мөмкин. Ә бу штраф баллы дигән сүз. 💪 Николай өчен бәйге – һөнәри осталыкка имтихан. Икенчедән, үзен һөнәр иясе буларак таныту. Хезмәтенә килгәндә, ул күңел биреп башкара. “Бәйге биремен вакытка башкарабыз, ә көндәлектә беренче урынга сыйфат куела”, – ди ул. 🛑 Нәтиҗәләр ай азагында билгеле булачак. #КАМАTYRES #НКШ #Һөнәриосталыкбәйгесе #Покрышкаҗыючы #Яшьбелгеч